Concello de Boiro

Mozos de Boiro viaxarán a Rumanía como voluntarios no marco do programa “Xuventude en Acción”

O Concello de Boiro agradece ás agrupacións mexilloeiras a doazón de vianda para a mexilloada da terceira idade en San Ramón

ESTE VENRES, DÍA 3 DE SETEMBRO, ÁS 11.00 HORAS NA CASA CONSISTORIAL (sala de xuntas), terá lugar unha rolda de prensa para presentar aos mozos que este mes marcharán a Rumanía como voluntarios no marco do “Programa de Voluntariado Europeo” no que participa o Concello de Boiro, a través do cal tamén estivo unha voluntaria italiana a traballar con nós durante un ano. Asistirán o Alcalde, Xosé Deira Triñanes; a concelleira de Mocidade, Dores Torrado Ares, e os mozos que participan na iniciativa.

O LUNS, DÍA 6 DE SETEMBRO, ÁS 12.00 HORAS NA CASA DE CULTURA “RAMÓN MARTÍNEZ LÓPEZ”, celebrarase a inauguración da exposición “Rosalía sempre viva. ¡Viva Rosalía!. No 125 aniversario do seu pasamento”,  que organiza o Concello de Boiro e a Fundación Manuel María. Contará coa asistencia do Alcalde, Xosé Deira Triñanes; o Concelleiro de Cultura, Xerardo Piñeiro Lorenzo, e o Secretario da Fundación, Alberte Ansede. A exposición está aberta ao público do 2 ao 15 de setembro.

O Concello de Boiro adxudicou á empresa “Nosa” a reparación de toda a Avenida da Constitución, que será asfaltada cunha capa de microasfalto e se pintará toda a sinalización horizontal.

Do 30 de agosto ao 3 de setembro terán lugar en Boiro as tradicionais festas de San Ramón de Bealo, organizadas pola comisión de festexos, en colaboración co Concello de Boiro

A compañía Malabaranda de  Pista Catro  representará RESIDUO . Circo e humor  como soporte fundamental  dun espectáculo que tamén incorpora o paiaso  e a música.Malabares fabricados a partir  dos residuos , vasoiras voadoras  e botellas que se transforman  nun instrumento.Destinado a tódolos públicos

Data: Venres, 27 de AGOSTO de 2010.
Hora: 11:30 horas ata o anoitecer
Lugar: Muíños de Ponte Goiáns

Mañá, día 25 de Agosto, o deportista Juancho Armental levará a cabo a travesía a nado en solitario entre a Illa de Sálvora e a praia de Barraña, co itinerario que adxunto.

O pasado domingo 22 de agosto pola tarde disputouse unha regata amistosa de piragüísmo no peirao de Escarabote organizada polo Clube de Piragüísmo Morcego de Boiro en colaboración co Departamento de Deportes do concello de Boiro.

A Asociación Cultural Borobó de Boiro, nomeará esta semana a Dona Carlota Paz Barreiro como Presidenta de Honra da entidade

O pasado  21 de agosto disputouse na pista de Verducido o Campionato Galego de Piragüismo no que o clube Unión Boiro-Rianxo acadou uns excelentes resultados